Get Adobe Flash player
ຍິນດີຕ້ອນຮັບເຂົ້າສູ່ເວັບໄຊ ກົມວິທະຍາສາດ, ກະຊວງວິທະຍາສາດ ແລະ ເຕັກໂນໂລຊີ
ກວ ຈັດກິດຈະກຳເນື່ຶງໃນໂອກາດວັນປູກຕົ້ນໄມ້ ແລະ ວັນເດັກນ້ອຍສາກົນ

ພະແນກ ວິທະຍາສາດ ນິວເຄຼຍ

ກອງປະຊຸມທາບທາມຄໍາເຫັນໃສ່ຮ່າງກົດໝາຍ ວ່າດວ້ຍຄວາມປອດໄພດ້ານລັງສີ-ນີວເຄຍ ຂັ້ນທ້ອງຖິ່ນ ຢູ່ບັນດາແຂວງພາກໃຕ້ ທີ່ ຫ້ອງປະຊຸມພິເສດ ສະໂມສອນໃຫ່ຍ ແຂວງ ສາລະວັນ, ວັນທີ 18 ພຶດສະພາ 2018

20180518 083423

ໃນວັນທີ 18 ພຶດສະພາ 2018. ທິມງານສ້າງຮ່າງກົດໝາຍ ວ່າດ້ວຍ ຄວາມປອດໄພດ້ານລັງສີນິວເຄຼຍ ກົມວິທະຍາສາດ ແລະ ກົມກວດກາ ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບ ພະແນກວິທະຍາສາດ ແລະ ເຕັກໂນໂລຊີ ແຂວງ ສາລະວັນ  ໄດ້ຈັດກອງປະຊຸມທາບທາມ ຄຳເຫັນຂັ້ນທ້ອງຖິ່ນຢູ່ບັນດາແຂວງ ພາກໃຕ້ ທີ່ຫ້ອງປະຊຸມພິເສດສະໂມສອນໃຫ່ຍ ແຂວງ ສາລະວັນ ໂດຍມີບັນດາແຂວງພາກໃຕ້ ເຂົ້າຮ່ວມຄື ແຂວງ ຄຳມ່ວນ,  ສະຫວັນນະເຂດ, ສາລະວັນ, ເຊກອງ, ອັດຕະປື ແລະ ຈຳປາສັກ. ກອງປະຊຸມດັ່ງກ່າວ ໄດ້ຮັບກຽດເປັນປະທານ ຮ່ວມ ແລະ ຊີ້ນຳກອງປະຊຸມໂດຍທ່ານ ວິຊຽນ ນະວິກຸນ ຄະນະປະຈໍາພັກແຂວງ, ຮອງເຈົ້າແຂວງ ແຂວງສາລະວັນ ແລະ ທ່ານ ປອ. ສຸລິອຸດົງ ສຸນດາລາ, ຄະນະພັກກະຊວງ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ. ກອງປະຊຸມໄດ້ມີບັນດາ ທ່ານປະທານ/ຮອງປະທານສະພາປະຊາຊົນແຂວງ, ຫົວໜ້າ/ຮອງຫົວໜ້າພະແນກວິທະຍາ ສາດແລະເຕັກໂນໂລຊີ, ພະແນກການອ້ອມຂ້າງ ແຂວງ ສາລະວັນ, ຄະນະທິມງານສ້າງຮ່າງກົດໝາຍຈາກຂະແໜງ ການອອມຂ້າງກະຊວງ (ກໍາມະທິການກົດໝາຍ ສະພາແຫ່ງຊາດ, ກະຊວງຍຸຕິທໍາ, ຫ້ອງວ່າການ ສຳນັກງານນາຍົກ ລັດຖະມົນຕີ, ກຳມາທິການເສດຖະກິດເຕັກໂນໂລຊີແລະສິ່ງແວດລ້ອມ) ແລະຄະນະທິມງານສ້າງຮ່າງກົດໝາຍຈາກກະຊວງວິທະຍາສາດແລະເຕັກໂນໂລຊີ, ມີບັນດາ ທ່ານ ຮອງຫົວໜ້າ ກົມວິທະຍາສາດ, ກົມກວດກາ, ຫົວໜ້າພະແນກ/ຮອງພະແນກແລະທິມງານວິຊາການ, ຜູ້ເຂົ້າຮ່ວມທັງໝົດທັງໝົດ 52 ທ່ານ, ຍິງ 8ທ່ານ.

ກອງປະຊຸມໄດ້ຮັບຟັງການກ່າວຕ້ອນຮັບ ຂອງທ່ານຮອງເຈົ້າແຂວງແລະກ່າວເປີດກອງປະຊຸມ ຂອງທ່ານຮອງລັດຖະມົນຕີກະຊວງວິທະຍາສາດແລະເຕັກໂນໂລຊີ. ຈາກນັ້ນທ່ານປອ. ນາງ ແກ້ວວີວອນ ອຸດທະຈັກ ຮອງຫົວໜ້າ ກົມວິທະຍາສາດ, ຄະນະທິມງານ-ວິຊາການສ້າງຮ່າງກົດໝາຍໄດ້ນຳສະເໜີສະພາບລວມ ການນຳໃຊ້ ລັງສີ-ນິວເຄຼຍ, ບົດບາດຄວາມສໍາຄັນ ຂອງການນໍາໃຊ້ລັງສີ-ນີວເຄຼຍຕໍ່ການພັດທະນາເສດຖະກິດ-ສັງຄົມການນໍາໃຊ້ ວິທະຍາສາດ-ເຕັກໂນໂລຊີ ທີ່ມີການນຳໃຊ້ ລັງສີ-ນີວເຄຼຍ ເປັນຕົວຂັບເຄື່ອນໃຫ້ແກ່ການພັດທະນາ ແລະ ການ ຂະຫຍາຍຕົວ ທາງເສດຖະກິດ-ສັງຄົມ ແລະ ການນຳໃຊ້ໃນຊີວິດປະຈໍາວັນ ພ້ອມທັງເຫດຜົນຄວາມຈຳເປັນ ໃນການ ຮ່າງກົດໝາຍ. ໃນການສ້າງ ກົດໝາຍວ່າດວ້ຍ ຄວາມປອດໄພ ດ້ານລັງສີແລະນີວເຄຼຍ ປະກອບດ້ວຍ ມີ 11 ພາກ, 12 ໝວດ, 83 ມາດຕາ. ມາທາບທາມຄຳເຫັນ ເພື່ອປັບປຸງ ໃຫ້ສອດຄ່ອງ, ມີເນື້ອໃນຄົບຖ້ວນ ສົມບູນຍິ່ງຂື້ນ.

       ບັນດາຜູ້ເຂົ້າຮ່ວມກອງປະຊຸມໄດ້ປະກອບຄຳຄິດຄຳເຫັນຢ່າງກົງໄປກົງມາ ດ້ວຍຄວາມຮັບຜິດຊອບສູງ  ທີ່ໄດ້ມີ ບົດຮຽນ, ແນວຄວາມຄິດ ແລະ ການແລກປ່ຽນຄໍາຄິດເຫັນ ທີ່ມີປະໂຫຍດໃຫ້ແກ່ການປັບປຸງ ສ້າງຮ່າງກົດໝາຍ ເພື່ອເຮັດໃຫ້ກອງປະຊຸມທາບທາມຄັ້ງນີ້ມີເນື້ອໃນຄົບຖ້ວນສົມບູນແລະຈະແຈ້ງ ມີຜົນສຳເລັດຢ່າງຈົບງາມຕາມ ຈຸດປະສົງຄາດໝາຍທຸກປະການ. ເນື້ອໃນປັບປຸງໄດ້ມີຄຳເຫັນ 10ເທື່ອຄົນ, ໃນນັ້ນໄດ້ເລັ່ງໃສ່ພາກໜຶ່ງ ມີ 2 ມາດຕາ, ພາກສອງ ມີ 4 ມາດຕາ, ພາກທີສາມ ມີ 8 ມາດຕາ, ພາກທີສີ່ ມີ 3 ມາດຕາ, ພາກທີຫ້າ ມີ 1 ມາດຕາ, ພາກທີ 6 ມີ 2 ມາດຕາ, ພາກທີເຈັດ ມີ 7 ມາດຕາ, ພາກທີແປດ ມີ 4 ມາດຕາ, ພາກທີສິບ ແລະ ສິບເອດ ມີ 1 ມາດຕາ; ສະຫຼຸບແລ້ວມີ 10 ພາກ ແລະ 31 ມາດຕາ ລວມມີຊື່ກົດໝາຍ, ການຈັດລຽງ, ເນື້ອໃນແຕ່ລະມາດຕາ, ປະໂຫຍກ ຄຳສັບແລະການມີສ່ວນຮ່ວມ ຂອງພາກສ່ວນຕ່າງໆທີ່ກ່ຽວຂ້ອງ.ເພື່ອສ້າງເງື່ອນໄຂແລະເປັນບ່ອນອີງ ເພື່ອໃຫ້ມີຄວາມເຊື້ອໝັນ ໃນການເຊື່ອມໂຍງເຂົ້າສູ່ປະຊາຄົມ ເສດຖະກິດອາຊຽນ(AEC) ແລະເປັນການຍົກສູງ ຖານະບົດບາດ ຂອງປະເທດໃນພາກພື້ນແລະສາກົນ.

IMG 20180520 WA000720180518 08465920180518 085125