Get Adobe Flash player
ຍິນດີຕ້ອນຮັບເຂົ້າສູ່ເວັບໄຊ ກົມວິທະຍາສາດ, ກະຊວງວິທະຍາສາດ ແລະ ເຕັກໂນໂລຊີ
ກວ ຈັດກິດຈະກຳເນື່ຶງໃນໂອກາດວັນປູກຕົ້ນໄມ້ ແລະ ວັນເດັກນ້ອຍສາກົນ

IAEA

ການເຂົ້າຮ່ວມພົບປະປຶກສາຫາລື ແລະ ທັດສະນະສຶກສາດ້ານວິຊາການກ່ຽວກັບ ການສ້າງລະບຽບກົດໝາຍຄຸ້ມຄອງຄວາມປອດໄພລັງສີ ແລະ ນີວເຄຼຍ ທີ່ສຳນັກງານໃຫຍ່ ອົງການພະລັງງານປະລຳມະນູສາກົນ (IAEA) ໃນລະຫວ່າງວັນທີ 12-16 ມີນາ 2018, ທີ່ເມືອງ ວຽນນາປະເທດໂອຕຼິດ.

 

29633237 1676611349044340 1548703672 o

ພາຍຫຼັງທີ່ໄດ້ພົບປະປຶກສາຫາລືກໍານົດຮ່າງຕາຕະລາງການເຮັດວຽກຮ່ວມວິຊາການ ເພື່ອການປະກອບຄໍາເຫັນ ແລະ ປັບປຸງກວດແກ້ດ້ານເນື້ອໃນ ຮ່າງກົດໝາຍວ່າດ້ວຍຄວາມປອດໄພດ້ານລັງສີ ແລະນີວເຄຼຍ ຢູ່ທີ່ຫ້ອງການສຳນັກງານໃຫ່ຍ ອົງການIAEAແລະ ການຈັດຕາຕະລາງ ລົງໄປທັດສະນະເບີ່ງວຽກງານຕົວຈິງ ທີ່ສໍານັກງານຫ້ອງກນຄວ້າທົດລອງ-ພັດທະນານໍາໃຊ້ວິທະຍາສາດນີວເຄຼຍ Seibersdorf ຊຶ່ງລາຍລະອຽດຕາຕະລາງເຄື່ອນໄຫວເຮັດວຽກຂອງຄະນະ ໄດ້ຄັດຕິດມາພ້ອມນີ້ (ເອກະສານຄັດຕິດ-1). ສໍາລັບການເຄື່ອນໄຫວວຽກ-ປະຊຸມພົບປະປຶກສາຫາລືວິຊາການ ໃນຊ່ວງໄລຍະ ເເຕ່ວັນທີ 12-16 ມີນາ 2018 ຢູ່ທີ່ຫ້ອງການສໍານັກງານ ອົງການ IAEA ໃນຄັ້ງນີ້ ໄດ້ມີຜູ້ຕາງໜ້າເຂົ້າຮ່ວມ ຈາກ ສປປ ລາວ ຈຳນວນ 8 ທ່ານ ແລະ ຄະນະການນໍາ ແລະ ທີມງານຊ່ຽວຊານ ຈາກ ອົງການ IAEA ຈຳນວນ 7 ທ່ານ. ຊຶ່ງລາຍລະອຽດຂອງການເຄື່ອນໄຫວວຽກງານໃນຄັ້ງນີ້ ມີຄື:

ຕ່າງໜ້າ ສ ປປ ລາວ ປະກອບມີ:

  1. ທ່ານ ປອ ສຸລິອຸດົງ ສຸນດາລາ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ເປັນ ຫົວໜ້າຄະນະ
  2. ທ່ານ ສັນຍາ ປຣະເສີດ, ຮອງປະທານກຳມະທິການເສດຖະກິດ, ເຕັກໂນໂລຊີ ສິ່ງແວດລ້ອມ,ສະພາແຫ່ງຊາດ ຮອງຫົວໜ້າ ຄະນະ
  3. ທ່ານ ວັນດີ ບຸດສະດີ, ຫົວໜ້າຫ້ອງການ, ສໍານັກງານຜູ້ຕາງໜ້າຖາວອນ ປະຈໍາອົງການ IAEA ທີ່ວຽນນາ, ໂອຕຼິດ.
  4. ທ່ານ ສິງຄຳ ວົງພະຈັນ,ຫົວໜ້າກົມເລຂານຸການ, ສະພາແຫ່ງຊາດ.
  5. ທ່ານ ກອງໄຊສີ ພົມມະໄຊ,ຫົວໜ້າກົມວິທະຍາສາດ, ກວຕ.
  6. ທ່ານ ອິນທະປັນຍາ ຂຽວວົງພະຈັນ,ຫົວໜ້າກົມກົດໝາຍ, ກະຊວງຍຸຕິທຳ.
  7. ທ່ານ ນິລັນດອນ ແກ້ວລໍດົມ,ເລຂານຸການໂທ ສໍານັກງານຜູ້ຕາງໜ້າຖາວອນ ປະຈໍາອົງການ IAEA ທີ່ວຽນນາ, ໂອຕຼິດ.
  8. ທ່ານ ພອນສະຫວັນ ລັດດາວົງ,   ວິຊາການ, ກົມວິທະຍາສາດ, ກວຕ.

ຕ່າງໜ້າ ອົງການ IAEA ປະກອບມີ:

I.ຈຸດປະສົງການເຂົ້າຮ່ວມ

ການເຄື່ອນໄຫວວຽກງານພົບປະເຮັດວຽກງານວິຊາການຄັ້ງນີ້ ມີຈຸດປະສົງ ແລະ ເປົ້າໝາຍຫຼັກຄື ວຽກອັນທີໜຶ່ງ ເເມ່ນແນໃສ່ການຖອດຖອນບົດຮຽນ ແລະ ແລກປ່ຽນຄວາມຄິດເຫັນດ້ານເຕັກນິກ-ວິຊາການສະເພາະ ຕໍ່ກັບ ເນື້ອໃນ ຂອງຮ່າງກົດໝາຍວ່າດ້ວຍຄວາມປອດໄພດ້ານລັງສີ ແລະນີວເຄຼຍ ຂອງ ສປປລາວ; ວຽກອັນທີສອງ ເເມ່ນການປຶກສາຫາລື ຂອບຮ່ວມມືຈັດຕັ້ງປະຕິບັດ ແຜນງານຮ່ວມມືເຕັກນິກ-ວິຊາການ ກັບອົງການ IAEA ຂອງ ສປປ ລາວ ທີ່ໄດ້ເຊັ່ນຮັບຮອງຮ່ວມປະຕິບັດ ລະຫວ່າງ ສປປລາວ ກັບ ອົງການ IAEA ໃນວັນທີ 13 ພຶດສະພາ 2014, ຊຶ່ງມີໄລຍະປະຕິບັດ ແຕ່ສົກປີ 2014-2018 (Lao PDR’s Country Programme Framework, CPF 2014-2018) ເພື່ອສະເໜີສືບຕໍ່ປັັບປຸງ ແລະ ປະຕິບັດ ມາເປັນຮ່າງເອກະສານຂອບແຜນງານຮ່ວມມືເຕັກນິກ-ວິຊາການ ສໍາລັບ ສົກປີ 2019-2025 ເພື່ອການສືບຕໍ່ຈັດຕັ້ງປະຕິບັດໂຄງການຮ່ວມມືດ້ານວິຊາການ ແລະ ຈະສາມາດເຊັນຮັບຮອງຮ່ວມກັນ ລະຫວ່າງ ສປປ ລາວ ແລະ ອົງການ IAEA ໄດ້ໃນປີ 2019; ແລະ ວຽກອັນທີສາມ ແມ່ນການລົງເບີ່ງວຽກປະຕິບັດງານ ທັດສະນະສຶກສາ ທີ່ສູນຄົ້ນຄົ້ວາ, ຫ້ອງທົດລອງ-ຫ້ອງວິໄຈ ຂອງ ອົງການ IAEA (Nuclear Science and Applications Laboratories in Seibersdorf) ຊຶ່ງມີລາຍລະອຽດຂອງການສາທິດທົດລອງເບີ່ງງານຕົວຈິ່ງ ຄັດຕິດມາພ້ອມນີ້; ພ້ອມກັນນັ້ນ, ກໍໄດ້ພົບປະປຶກສາຫາລືວິຊາການ ກັບ ກົມການນຳໃຊ້ວິທະຍາສາດນິວເຄຼຍ (NuclearScience Application Department-IAEA). 

II.ຜົນການຈັດຕັ້ງເຄື່ອນໄຫວເຮັດວຽກ ຮ່ວມກັບຄະນະທີມງານ ຂອງອົງການ IAEA:

ການປະຊຸມພົບປະປຶກສາຫາລື ໃນໄລຍະ 4 ວັນ ໄດ້ເນັ້ນໜັກ ກ່ຽວກັບການສະເໜີບົດຮຽນຄວາມຮູ້ ແລະ ການຈັດຕັ້ງປະຕິບັດດ້ານລະບຽບນິຕິກໍາ ພາຍໃຕ້ຂອບຄວາມປອດໄພໝັ້ນຄົງທາງນີວເຄຼຍ ແລະ ການສະເໜີແລກປ່ຽນປະກອບຄໍາຄິດເຫັນວິຊາການ ເພື່ອການປັບປຸງ-ກວດແກ້ ເນື້ອໃນ ຂອງຮ່າງກົດໝາຍວ່າດ້ວຍຄວາມປອດໄພດ້ານລັງສີ ແລະ ນີວເຄຼຍ; ຊຶ່ງຄະນະທີມງານວິຊາການ ຂອງທັງສອງ ພາກສ່ວນ ໄດ້ມີຄຳເຫັນແລກປ່ຽນ ແລະປຶກສາຫາລືບາງຫົວຂໍ້ສຳຄັນ ແລະ ພົ້ນເດັ່ນ ເພື່ອປັບປຸງກວດແກ້ຮ່າງກົດໝາຍດັ່ງກ່າວ ມີຄືດັ່ງນີ້:

  1. ຫຼັກການຂອງການສ້າງກົດໝາຍຄວາມປອດໄພລັງສີ-ນິວເຄຼຍ ຈຳເປັນຕ້ອງໄດ້ຄຳນຶງ ເຖິງບັນຫາສໍາຄັນ ຂອງການຄຸ້ມອງ ດ້ານຄວາມປອດໄພ, ຄວາມໝັ້ນຄົງ, ການຕິດຕາມກວດສອບ, ການປ້ອງກັນ, ການນຳໃຊ້ໃນທາງສັນຕິ ແລະ ເພື່ອການພັດທະນາ, ຄວາມປອດໄພດ້ານການຂົ່ນສົ່ງ; ການຈົດບັນທຶກ-ລົງທະບຽນ, ການອອກໃບອະນຸຍາດ, ການນຳເຂົ້າ-ສົ່ງອອກ ແລະ ບັນດາມາດຕະການສະເພາະ ຂອງ ປະເທດສະມາຊິກ ທີ່ຈຳເປັນໃນການຄຸ້ມຄອງຄວາມປອດໄພດ້ານລັງສີ ແລະ ວັດຖຸທາງນິວເຄຼຍ. ພ້ອມກັນນັ້ນ, ຕ້ອງໄດ້ຄໍານຶງ ແລະ ສອດຄ່ອງກັບ ບັນດາກົດໝາຍ ຂອງຊາດ ທີ່ກ່ຽວຂ້ອງ ເປັນຕົ້ນ: ກົດໝາຍສິ່ງແວດລ້ອມ, ກົດໝາຍການນຳເຂົ້າ-ສົ່ງອອກ, ກົດໝາຍການປ້ອງກັນແຮງງານ ແລະ ຮັບປະກັນດ້ານຄວາມປອດໄພອື່ນໆໃນສັງຄົມ ແລະ ສິ່ງແວດລ້ອມ;
  2. ໄດ້ປຶກສາຫາລື ແລະ ລົງເລີກ ປັບປຸງຮຽບຮຽງດ້ານເນື້ອໃນ ຂອງແຕ່ລະພາກ, ແຕ່ລະມາດຕາ ແລະ ມາດຕະການປ້ອງກັນ ແລະ ຄຸ້ມຄວາມປອດໄພລັງສີ-ນີວເຄຼຍ ຕາມທີ່ໄດ້ກໍານົດໃນຮ່າງກົດໝາຍ ວ່າດ້ວຍຄວາມປອດໄພດ້ານລັງສີ ແລະ ນີວເຄຼຍ ຂອງ ສປປ ລາວ ສະບັບຮ່າງ ທີ່ໄດ້ລົງຈົດໝາຍເຫດທາງລັດຖະການ ໂດຍລົງເລີກວິຊາການປັບປຸງຮ່າງສະບັບ ເປັນ ພາສາອັງກິດ ສະບັບລົງວັນທີ 12 ທັນວາ 2017 ມາເປັນຮ່າງເອກະສານສົນທະນາປຶກສາຫາລື;
  3. ໄດ້ພົບປະປຶກສາຫາລື ແລະ ການແລກປ່ຽນຂໍ້ຄິດເຫັນແນະນໍາວິຊາການ ຮ່ວມກັບ ກົມການນຳໃຊ້ວິທະຍາສາດນີວເຄຼຍ (Nuclear Science Application Department) ເພື່ອສົນທະນາ-ແລກປ່ຽນ ການເຊື່ອມໂຍງທາງດ້ານວຽກງານ ແລະ ການສະໜັບສະໜູນຊ່ວຍເຫຼືອດ້ານເຕັກນິກວິຊາການ ດ້ານວິທະຍາສາດນີວເຄຼຍ ເພື່ອການພັດທະນາເສດຖະກິດ-ສັງຄົມ ແລະ ການພັດທະນານໍາໃຊ້ເຕັກໂນໂລຊີນີວເຄຼຍໃນທາງສັນຕິພາບ ເປັນຕົ້ນ: ການກໍານົດໂຄງການຄົ້ນຄວ້ານໍາໃຊ້ວິທະຍາສາດນີວເຄຼຍ ໃນຂະແໜງ ການຜະລິດກະສິກໍາ ແລະ ສະບຽງອາຫານ, ຂະແໜງການແພດ, ການຜະລິດອຸດສາຫະກໍາອຸດສາຫະກໍາ ແລະ ຂະແໜງ ການພະລັງງານແບບຍືນຍົງ ແລະ ຊັບພະຍາກອນນໍ້າ ແລະ ສິ່ງແວດລ້ອມ... ໂດຍການຊ່ວຍເຫຼືອສະໜັບສະໜູນ ການພັດທະນາຄວາມອາດສາມາດ ຂອງບຸກຄະລາກອນ ໂດຍການ: ຝຶກອົບຮົມ, ສຳມະນາ ແລະ ທັດສະນະສຶກສາ ແລະ ການສະໜອງອຸປະກອນຄົ້ນຄວ້າ-ທົດລອງ ທີ່ມີຄວາມຈຳເປັນ ພາຍໃຕ້ຂອບຮ່ວມມືຈັດຕັ້ງປະຕິບັດໂຄງການວິຊາການ ຮ່ວມກັບອົງການ IAEA-TCDepartment.
  4. ທາງຄະນະຜູ້ແທນ ໄດ້ຮ່ວມປະຊຸມປຶກສາຫາລື ກັບຊ່ຽວຊານວິຊາການ ກົມເຕັກນິກ-ວິຊາການ ຂອງ ອົງການ IAEA ໄດ້ແລກປ່ຽນບົດຮຽນປະຕິບັດ ແລະ ອະທິບາຍຊີ້ແຈງ ເຖິງ ຄວາມຈຳເປັນຂອງການຮັບຮອງ ຂອບແຜນງານດ້ານເຕັກນິກວິຊາການ (CPF) ຂອງ ສປປລາວ ສໍາລັບ ສົກປີ 2019-2025 ຊຶ່ງເອກະສານ CPF 2014-2018 ຂອງ ສປປ ລາວ ຈະສິ້ນສຸດ ໃນປີ 2018 ນີ້, ສະນັ້ນ ຈຶ່ງມີຄວາມຈໍາເປັນຈະຕ້ອງກະກຽມຮ່າງເນື້ອໃນແຜນງານການຮ່ວມມືວິຊາການດັ່ງກ່າວ ຄືນໃໝ່ ໂດຍມີບົດແນະນໍາ ສະບັບບົດແນະນໍາ ການສ້າງຮ່າງແຜນ CPF ສະບັບປັບປຸງໃໝ່ ມາເປັນບ່ອນອີງ ໃນການສ້າງຮ່າງແຜນງານຮ່ວມມືເຕັກນິກ-ວິຊາການ ຂອງ ສປປ ລາວ ສໍາລັບການຮ່ວມມື ຂອງສົກປີ 2019 ຫາ 2025 ເພື່ອໃຫ້ທັງສອງຝ່າຍ ລະຫວ່າງ ສປປ ລາວ ແລະ ອົງການ IAEA ສາມາດເຊັນຮັບຮອງຮ່ວມກັນ ໃນຕົ້ນປີ 2019 ຊຶ່ງມີເອກະສານບົດແນະນໍາໄດ້ຄັດຕິດມາພ້ອມນີ້ (ເອກະສານຄັດຕິດ-3);
  5. ທາງຄະນະຜູ້ແທນ ຂອງ ສປປ ລາວ ໄດ້ຮັບການຕອບຮັບ ແລະ ມີການນໍາລົງໄປທັດສະນະສຶກສາ ສະຖານທີການຄົ້ນຄວ້າທົດລອງວິທະຍາສາດ ຢູ່ທີ່ ສະຖາບັນການຄົ້ນຄ້ວາໄຊເບີດອບ
  1. ໃນໄລຍະການເຄື່ອນໄຫວຂອງຄະນະທີມງານວິຊາການ ຄັ້ງນີ້ ໄດ້ມີການພົບປະປຶກສາຫາລື ແລະການສືບຕໍ່ຮ່ວມກັນ ຈະຈັດຕັ້ງປະຕິບັດ ໃນບາດກ້າວຕໍ່ໜ້າ ຂອງ ສອງ ຝ່າຍ ດັ່ງນີ້ : ທັງສອງຝ່າຍໄດ້ຕົກລົງເຫັນດີເປັນເອກະພາບດັ່ງລຸ່ມນີ້:
  1. ທາງຄະນະທີມງານກົດໝາຍ ຫ້ອງການກົດໝາຍສາກົນ, ຂອງ ອົງການ IAEA (OLA-IAEA) ຈະໄດ້ທົບທວນຄືນ ແລະ ມີຄຳເຫັນປັບປຸງ-ແປງຄືນ ຕໍ່ ແຕ່ລະພາກ, ແຕ່ລະໝວດ ແລະ ແຕ່ລະມາດຕາ ຂອງຮ່າງກົດໝາຍວ່າດ້ວຍຄວາມປອດໄພດ້ານລັງສີ ແລະ ນີວເຄຼຍ ຂອງ ສປປ ລາວ, ພ້ອມຈະສົ່ງບົດຄໍາຄິດຄໍາເຫັນ ຂອງຊ່ຽວຊານກົດໝາຍ IAEA Legal Affairs ກ່ອນ ທ້າຍເດືອນ ມີນາ 2018;
  2. ເຫັນດີເຫັນພ້ອມ ກັບການສະເໜີ ຂອງຄະນະຜູ້ແທນ ສປປລາວ ເພື່ອຮ່ວມຈັດກອງປະຊຸມສໍາມະນາ ເພື່ອສ້າງຄວາມຮັບຮູ້-ເຂົ້າໃຈ ໃຫ້ແກ່ ບັນດາທ່ານ ສະມາຊິກສະພາແຫ່ງຊາດ ແລະ ບັນດາຂະແໜງການອ້ອມຂ້າງ ໂດຍການເປັນເຈົ້າພາບຮ່ວມ ກະຊວງວິທະຍາາດ ແລະ ເຕັກໂນໂລຊີ ແລະ ຫ້ອງການຄະນະກໍາມະທິການເສດຖະກິດ, ວິທະຍາສາດ ເຕັກໂນໂລຊີ ແລະສິ່ງແວດລ້ອມ ຂອງສະພາແຫ່ງຊາດ ຕາມເງື່ອນໄຂຄວາມສາມາດຕົວຈິ່ງ ໂດຍຈະມີ ຄະນະຊ່ຽວຊານຈາກ ອົງການ IAEA ແລະ ຄະນະວິຊາການ ຝ່າຍ ລາວ ເຂົ້າຮ່ວມ ເພື່ອອະທິບາຍ ແລະ ຊີ້ແຈງ ຄວາມສຳຄັນຂອງວຽກງານວິທະຍາສາດ ເຕັກໂນໂລຊີນີວເຄຼຍ ແລະ ຄວາມຈຳເປັນຂອງການສ້າງຮ່າງກົດໝາຍດັ່ງກ່າວ ໃນ ສປປ ລາວ ຊຶ່ງຄາດຄະເນແຜນການຈັດກອງປະຊຸມສໍາມະນາ ໃນອາທິດທີສອງ ຂອງເດືອນ ສິງຫາ 2018;
  3. ເຫັນດີສົມທົບກັບຂະແໜງການກ່ຽວຂ້ອງ ແລະ ນໍາສະເໜີຫາ ກະຊວງການຕ່າງປະເທດ ໄດ້ພິຈາລະນາ ສ້າງ ແລະ ປັບປຸງ ເອກະສານ ຂອບແຜນງານຮ່ວມມື ເຕັກນິກ-ວິຊາການ ສະບັບປັບປຸງໃໝ່ ສໍາລັບການຮ່ວມມືຊ່ວຍເຫຼືອສະໜັບສະໜູນ ຈາກອົງການ TC-IAEA ສ້າງເປັນເອກະສານ CPF ສົກປີ 2019-2025;
  4. ສະເໜີໃຫ້ ຈຸດປະສານງານ ກະຊວງວິທະຍາສາດ ແລະ ເຕັກໂນໂລຊີ ສົມທົບກັບ ຂະແໜງການບູລິມະສິດ ຂອງການພັດທະນາ ໃນ ສປປ ລາວ ຄັດເລືອກ ນຳສົ່ງ ບົດສະເໜີຫົວຂໍ້ໂຄງການວິຊາການ ສໍາລັບໂຄງການທີ່ຈະຈັດຕັ້ງປະຕິບັດ ໃນສົກປີ 2020-2021 ສົ່ງໃຫ້ແກ່ ອົງການ IAEA ກ່ອນວັນທີ 27 ເມສາ 2018;
  5. ອົງການ IAEA ເຫັນດີ ສະໜັບສະໜູນ ແລະ ຈັດກອງປະຊຸມພົບປະສາມຝ່າຍລະຫວ່າງ ສປປ ລາວ, ຫວຽດນາມ ແລະ ອົງການ IAEA ກ່ຽວກັບ ຂອບການຮ່ວມມືເຕັກນິກວິຊາການ ໃນການປະຊຸມປຶກສາຫາລື ກໍານົດຂອບຫົວຂໍ້ໂຄງການສ້າງຄວາມອາດສາມາດ ແລະ ສ້າງຮ່າງເປັນເອກະສານໂຄງການເບື້ອງຕົ້ນຮ່ວມກັບ ຂອງ ສາມຝ່າຍ ໃຫ້ແກ່ ສາມປະເທດສະມາຊິກ ສປປ ລາວ-ຫວຽດນາມ-ກໍາປູເຈຍ ແລະ ອົງການ IAEA-TC ຊຶ່ງທາງຝ່າຍອົງການ IAEA ຈະສະໜັບສະໜູນທຶນ ແລະ ຊ່ຽວຊານວິຊາການ ໃນການຈັດກອງປະຊຸມດັ່ງກ່າວ ປະເທດລະ ສາມ ທ່ານ, ສະເພາະ ສປປລາວ ຂໍໃຫ້ທາງຝ່າຍ ອົງການ IAEA ພິຈາລະນາ ຈໍານວນພະນັກງານວິຊາການ 5 ທ່ານ ຈາກຂະແໜງການບູລິມະສິດ; ພ້ອມທັງ ຈະແຈ້ງລາຍຊື່ ຜູ້ທີຈະເຂົ້າຮ່ວມປະຊຸມດັ່ງກ່າວ ໃຫ້ທາງອົງການ IAEA ພາຍໃນ ວັນທີ 19 ມີນາ 2018 ເພື່ອກະກຽມໃຫ້ແກ່ການຈັດກອງປະຊຸມປຶກສາຫາລືວິຊາການດັ່ງກ່າວ ຄາດຄະເນ ຈະຈັດໃສ່ໃນ ລະຫວ່າງ ວັນທີ 18-20 ເມສາ 2018 ທີ່ ສໍານັກງານອົງການ IAEA ທີ່ເມືອງວຽນນາ, ປະເທດ ໂອຕຼິດ;
  6. ການພົບປະປຶກສາຫາລືວິຊາການຄັ້ງນີ້ ຍັງໄດ້ເຫັນດີ ນຳສົ່ງຮ່າງສະບັບເບື້ອງຕົ້ນ ຂອງ ຮ່າງຂອບແຜນງານຮ່ວມມື ເຕັກນິກວິຊາການ ສົກປີ 2019-2025 (initiative drafting CPF 2019-2025) ໃຫ້ແກ່່ ອົງການ IAEA-TC ໃນທ້າຍເດືອນ ພຶດສະພາ 2018 ເພື່ອພິຈາລະນາ ຊ່ວຍສະໜັບສະໜູນຊ່ຽວຊານວິຊາການ ມາຊ່ວຍປັບປຸງກວດແກ້ຮ່ວມກັນ ກັບບັນດາຂະແໜງການທີ່ກ່ຽວຂ້ອງຕ່າງ ໃນສປປ ລາວ;
  7. ອົງການ IAEA ຈະໄດ້ກະກຽມ ນຳສົ່ງຊ່ຽວຊານວິຊາການ ມາຮ່ວມເຮັດວຽກກັບ ທາງຄະນະວິຊາການ ຝ່າຍ ສປປ ລາວ ກໍຄືການເຮັດວຽກຮ່ວມ ຈຸດປະສານງານ ກວຕ ໃນທ້າຍເດືອນ ມີຖຸນາ 2018;
  8. ອົງການ IAEA ເຫັນດີ ພິຈາລະນາ ໃຫ້ການສະໜັບສະໜູນ ແກ່ ຝ່າຍ ສປປ ລາວ ໃນການເຂົ້າຮ່ວມຝຶກອົບຮົມດ້ານກົດໝາຍວ່າດ້ວຍນີວເຄຼຍ ຈຳນວນ 1 ທ່ານ ແລະ ການຝຶກອົບຮົມ ກ່ຽວກັບ ການສ້າງລະບຽບການຄຸ້ມຄອງຄວາມປອດໄພນີວເຄຼຍ ສະເພາະວິຊາການກົດໝາຍ ຈຳນວນ 2 ທ່ານ; ເພື່ອເປັນການສືບຕໍ່ຈັດຕັ້ງປະຕິບັດການປະສານງານຮ່ວມມືເຕັກນິກ-ວິຊາການ ກັບບັນດາຂະແໜງ ການພາຍໃນ ຂອງ ສປປລາວ ຮ່ວມກັບ ບັນດາກົມເຕັກນິກວິຊາການຂອງອົງການ IAEA ໃຫ້ມີປະສິດທິຜົນ ແລະ ເປັນຮູບປະທໍາຕົວຈິງຫຼາຍກວ່າເກົ່າ ນັ້ນ, ໃນທັດສະນະວິຊາການ ເຫັນວ່າ ການພົບປະເຮັດວຽກ ແລະ ການມາທັດສະນາສຶກສາເບີງວຽກງານຕົວຈິງ ຄັ້ງນີ້ ແມ່ນ ມີຄວາມສຳຄັນໃຫ້ບົດຮຽນຕົວຈິງຫຼາຍຂື້ນ ກ່ຽວກັບວຽກງານຄຸ້ມຄອງຄວາມປອດໄພລັງສີ-ນີວເຄຼຍ ຢູ່ໃນ ສປປ ລາວ ແລະ ເປັນການກະຕຸກຊຸກຍູ້ ແລະ ສ້າງຄວາມພ້ອມທາງດ້ານວິຊາການ ສໍາລັບການຈັດຕັ້ງປະຕິບັດວຽກງານດັ່ງກ່າວ ໃນຕໍ່ໜ້າ ຂອງ ສປປລາວ ໃນການປະຕິບັດພັນທະສາກົນ ກໍຄືການເຊື່ອມໂຍງເຕັກນິກວິຊາການ ກ່ຽວກັບການຄຸ້ມຄອງຄວາມປອດໄພດ້ານລັງສີ-ນີວເຄຼຍ ແລະການເຂົ້າເຖິງນໍາໃຊ້ວິທະຍາສາດ ເຕັກໂນໂລຊີນີວເຄຼຍ ໃນທາງສັນຕິ ແລະ ເພື່ອການພັດທະນາເສດຖະກິດ-ສັງຄົມແຫ່ງຊາດ.

29634274 1676611375711004 1882195184 o29680405 1676611412377667 614521541 o29693806 1676612029044272 1760240053 o29693094 1676612222377586 1638387786 o



ດາວໂຫລດ

ເອກະສານພະແນກຄຸ້ມຄອງຄວາມປອດໄພລັງສີ-ນິວເຄຼຍ

Intouch+ Guidelines

Meeting Form IAEA

Training Course Form IAEA

Lao PDR's CPF 2014-18

RSA MOST Lao PDR-IAEA