Get Adobe Flash player
ຍິນດີຕ້ອນຮັບເຂົ້າສູ່ເວັບໄຊ ກົມວິທະຍາສາດ, ກະຊວງວິທະຍາສາດ ແລະ ເຕັກໂນໂລຊີ
ກວ ຈັດກິດຈະກຳເນື່ຶງໃນໂອກາດວັນປູກຕົ້ນໄມ້ ແລະ ວັນເດັກນ້ອຍສາກົນ

ຂ່າວສານ ກວ

ກອງປະຊຸມລະດົມຄວາມຄິດ ກ່ຽວກັບ ການສ້າງລະບຽບນິຕິກຳ ດ້ານການຄຸ້ມຄອງ

DSC 0055 copy

DSC 0067DSC 0078DSC 0074IMG 20170706 WA0003

ຄວາມປອດໄພລັງສີ-ນິວເຄຼຍ ຢູ່ໃນ ສປປ ລາວ. ໃນວັນທີ 05 ກໍລະກົດ 2017, ກະຊວງວິທະຍາສາດ ແລະ ເຕັກໂນໂລຊີ ກົມວິທະຍາສາດ ໄດ້ມີການຈັດກອງປະຊຸມສຳມະນາ ແລະ ໃຫ້ບົດຮຽນຄວາມຮູ້ກ່ຽວກັບ ກອບລະບຽບການນິຕິກຳ ກ່ຽວກັບຄວາມປອດໄພ, ຄວາມໝັ້ນຄົງຂອງນິວເຄຼຍ ແລະ ບັນດາລະບຽບມາດຕະການຂອງສາກົນ, ລວມໄປເຖິງຄວາມຈຳເປັນທີ່ຕ້ອງມີລະບຽບການໃນການຄຸ້ມຄອງ, ບັນດາອົງປະກອບທີ່ສຳຄັນ ຂອງກົດໝາຍນິວເຄຼຍ ເພຶ່ອເປັນການລະດົມແນວຄວາມຄິດ ດ້ານລະບຽບການ ແລະ ນິຕິກຳ ກ່ຽວກັບການຄຸ້ມຄອງຄວາມປອດໄພທາງດ້ານລັງສີ-ນິວເຄຼຍ ສົມທົບກັບບັນດາຂະແໜງການ ຂອງກະຊວງທີ່ກ່ຽວຂ້ອງຈາກກົມ ສະຖາບັນພາຍໃນກວຕ ໃຫ້ກຽດເປັນປະທານໂດຍ ທ່ານ ປອ. ສຸລິອຸດົງ ສູນດາລາ ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ທ່ານ ກອງໄຊສີ ພົມມະໄຊ ຫົວໜ້າ ກົມວິທະຍາສາດ ແລະ ທີມງານຊ່ຽວຊານດ້ານກົດໝາຍຂອງ ອົງການ IAEA (TC-IAEA) ທັງ 3 ທ່ານ, ລວມຜູ້ເຂົ້າຮ່ວມ ທັງໝົດ 35 ທ່ານ.

ຈຸດປະສົງອັນທີໜຶ່ງໃນການຈັດກອງປະຊຸມສົນທະນາ ແມ່ນແນໃສ່:

  1. ການຈັດຕັ້ງປະຕິບັດຕາມຂໍ້ຕົກລົງຂອງທ່ານ ລມຕ ວ່າດ້ວຍການແຕ່ງຕັ້ງຄະນະຮັບຜິດຊອບສ້າງນິຕິກຳ ຂອງກະຊວງ ກ່ຽວກັບຄວາມປອດໄພທາງດ້ານລັງສີ-ນິວເຄຼຍ, ເລກທີ 0999/ກວຕ, ລົງວັນທີ 11 ທັນວາ 2014;
  2. ການຜັນຂະຫຍາຍປະຕິບັດ: ກອບແຜນການຮ່ວມມື ລະຫວ່າງ ລັດຖະບານ ສປປ ລາວ ກໍ່ຄື (ກວຕ) ກັບອົງການ IAEA (Country Programmers Framework, CPF 2014-2018), ລົງວັນທີ 13 ພຶດສະພາ 2014.

ຈຸດປະສົງອັນທີສອງ:

  1. ເພື່ອສ້າງຄວາມຮັບຮູ້ ແລະ ເຂົ້າໃຈໃຫ້ແກ່ຂະແໜງການ-ກະຊວງທີ່ກ່ຽວຂ້ອງ ກໍຄືບັນດາທ່ານຜູ້ເຂົ້າຮ່ວມປະຊຸມສຳມະນາ ເຫັນໄດ້ຄວາມສຳຄັນຂອງວຽກງານຄຸ້ມຄອງຄວາມປອດໄພທາງນິວເຄຼຍ ແລະ ການມີສ່ວນຮ່ວມປະຕິບັດ ສົນທິສັນຍາ ແລະ ຂໍ້ຕົກລົງສາກົນ ທີ່ ສປປ ລາວ ເປັນພາຄີ.
  2. ເພື່ອປຶກສາຫາລື ແລະ ລະດົມຄວາມຄິດເຫັນ, ບົດຮຽນຄວາມຮູ້ ກ່ຽວກັບການສ້າງລະບຽບການ ແລະ ນິຕິກຳ ເພື່ອການປ້ອງກັນ ແລະ ຄຸ້ມຄອງດ້ານຄວາມປອດໄພທາງນິວເຄຼຍ ແລະ ປະເທດ ສະມາຊິກອົງການ
  3. ເພື່ອເປັນການແລກປ່ຽນບົດຮຽນ, ປະສົບການ ແລະ ພຶດຕິກຳ ກົດໝາຍວ່າດ້ວຍຄວາມປອດໄພ ທາງລັງສີ-ນິວເຄຼຍ ໃນ ສປປ ລາວ.

ພ້ອມກັນນັ້ນ, ການປະຊຸມສຳມະນາຄັ້ງນີ້ທາງ ກົມວິທະຍາສາດ ຈະໄດ້ສະເໜີສະພາບໂດຍຫຍໍ້ ຂອງການພົວພັນປະສານງານຮ່ວມມືເຕັກນິກ-ວິຊາການ ກັບອົງການ IAEA ນັບແຕ່ມີການໝອບໝາຍ ຮັບຜິດຊອບເປັນຈຸດປະສານງານດ້ານ ວິຊາການນັບແຕ່ເດືອນ ເມສາ 2012 ເປັນຕົ້ນມາ; ພາຍຫຼັງທີ່ລັດຖະບານ ສປປ ລາວ ໄດ້ເຂົ້າຮ່ວມເປັນສະມາຊິກ ອົງການ IAEA ໃນວັນທີ 4 ເດືອນພະຈິກ 2011 ເປັນຕົ້ນມາ.

ທ່ານ ກອງໄຊສີ ພົມມະໄຊ ຫົວໜ້າກົມ ວິທະຍາສາດ ຍັງສະແດງຄວາມຄິດຄວາມເຫັນດ້ວຍຄວາມຈິງໃຈ ຕໍ່ກັບການສະເໜີບົດຮຽນ ຄວາມຮູ້ ຈາກທີມງານຊ່ຽວຊານ, ເພື່ອຍາດແຍ່ງເອົາບົດຮຽນຄວາມຮູ້ ປະສົບການຈາກຊ່ຽວຊານ ເພື່ອນຳມາ ສຶກສາ ວິໄຈ ແລະ ເລືອກເຟັ້ນເອົາບົດຮຽນ ມາຮັບໃຊ້ ເຂົ້າໃນວຽກງານ ຂອງກົມກອງ ຕາມເງື່ອນໄຂຂອງການປະຕິບັດພັນທະ ຂອງປະເທດເຮົາ ກັບການພົວພັນຮ່ວມມືວິຊາການ ກັບ ອົງການດັ່ງກ່ວາ ໃຫ້ໄດ້ປະສິດທິພາບສູງສຸດ.

IMG 20170703 WA0000IMG 20170704 WA0002IMG 20170706 WA0006IMG 20170706 WA0005
ກວ ວິຊາການ ໄດ້ສົບທົບກັບຊ່ຽວຊານ ຮ່າງກົດໝາຍດັ່ງກ່າວ ເປັນຮ່າງເບື້້ອງຕົ້ນເປັນການສົນທະນາສະເພາະຮ່າງກັບຊ່ຽວຊານ ທີ່ມາເຮັດວຽກກັບ ກົມ ວິທະຍາສາດ ໃນຄັ້ງນີ້; ທາງກົມ ໄດ້ສະເໜີໃຫ້ຄະນະຊ່ຽວຊານ ໃຫ້ສານຕໍ່ ການຮັບພະນັກງານໄປຝຶກອົບຮົມ, ການໄປທັດສະນະແລກປ່ຽນສະເພາະບົດຮຽນ ດ້ານລະບຽບນິຕິກຳດັ່ງກ່ວາ 3-4 ທຶນ ຢູ່ອົງການດັ່ງກ່ວາໃນເວລາເໝາະສົມຕາມການສະເໜີ ຂອງກົມ; ພວກເຮົາໄດ້ຮັບເອກະສານຈຳນວນໜຶ່ງ ທີ່ເປັນເອກະສານອ້າງອີງ ໃນການສຶກສາຄົ້ນຄົ້ວາດ້ານເນື້ອໃນ ກ່ຽວກັບການສ້າງຮ່າງນິຕິກຳດັ່ງກ່າວ.

ດາວໂຫລດ

ເອກະສານພະແນກຄຸ້ມຄອງຄວາມປອດໄພລັງສີ-ນິວເຄຼຍ

Intouch+ Guidelines

Meeting Form IAEA

Training Course Form IAEA

Lao PDR's CPF 2014-18

RSA MOST Lao PDR-IAEA